დამსახურებული ჯილდო მიღებული მაქვს 2017 წელს ვაშინგტონში, ამერიკის დედაქალაქში. განაცხადა ცენტრალური საარჩევნო კომისიის თავმჯდომარემ, თამარ ჟვანიამ, "რუსთავი 2"-ის ეთერში.
მანამდე ჟურნალისტმა შეახსენა თამარ ჟვანიას "ქართული ოცნების" აღმასრულებელი მდივნის, ირაკლი კობახიძის განცხადება, რომ თამარ ჟვანიას ჯილდო ეკუთვნის იმ მოთმინებისთვის, რა შეურაცხყოფასაც ოპოზიციის მხრიდან ითმენს .
"ჯილდო, მე, დამსახურებული, მიღებული მაქვს 2017 წელს, რომელიც გადმომეცა ვაშინგტონში, ამერიკის დედაქალაქში, როდესაც დაფასდა ჩემი მოღვაწეობა, როგორც საარჩევნო პროცესში გაწეული ძალიან დიდი წვლილისთვის.
მე საერთაშორისო ჯილდო მაქვს მიღებული და ჩემთვის ჯილდო გახლავთ ის, რასაც ეს ინსტიტუცია [ცესკო] აკეთებს, რომელიც არა მხოლოდ ჩემი ჯილდოთი, არამედ მინიმუმ შვიდი საერთაშორისო ჯილდოთი იწონებს თავს და აღიარებულია საერთაშორისო დონეზე", - თქვა თამარ ჟვანიამ.