"ქართული ოცნების" მაჩვენებელმა შესაძლებელია დაიწიოს ან აიწიოს. აცხადებს "ქართული ოცნების" წევრი დავით მათიკაშვილი.
მისი თქმით, ხმების გადათვლის შემდეგ შესაძლებელია, პროცენტის როგორც აწევა, ისე დაწევა, რაც ვაჭრობა არ არის.
"ოპოზიციას ყოველთვის ის ესმის, რისი გაგებაც უნდა და არა ის, რაც განცხადების შინაარსშია. ეუთო/ოდირი-ს სადამკვირვებლო მისიამ და ამერიკის შეერთებული შტატების საელჩომ ერთხმად აღნიშნეს, რომ არჩევნები ჩატარდა კონკურენტულ, დემოკრატიულ და თავისუფალ გარემოში. შესაძლოა, ამ არჩევნებს თან სდევდეს გარკვეული გამოწვევები, რომელიც არჩევნების შედეგებზე რადიკალურ გავლენას ვერ მოახდენს. საარჩევნო უბნების გადათვლა მიმდინარეობს, ეს უპრეცედენტო შემთხვევაა ქართულ რეალობაში და არაფერი მომხდარა. ამ რეალობაში შესაძლებელია "ქართული ოცნების" მაჩვენებელმა დაიწიოს ან აიწიოს. არის შემთხვევა, როცა ხმები "ქართულ ოცნებას" აკლია და გადათვლის შედეგად ბალანსი და სიზუსტე დგინდება", - თქვა მათიკაშვილმა.
