ცესკოს ტოვებს საარჩევნო კომისიებთან ურთიერთობის დეპარტამენტის უფროსი სპეციალისტი ივანე ბურდული. მან სამსახურიდან წამოსვლის თაობაზე ცესკოს თავმჯდომარის, თამარ ჟვანის სახელზე განცხადება დღეს, 6 ნოემბერს დაწერა. განცხადება ივანე ბურდულმა საკუთარ ფეისბუკის გვერდზეც გამოაქვეყნა.
ტელეკომპანია "მთავარი არხის" ეთერში ივანე ბურდული თანამდებობის დატოვების მოტივად არჩევნების გაყალბებას ასახელებს.
"მთავარი მიზეზი სამსახურიდან წამოსვლის არის საპარლამენტო არჩევნები, რომელიც ტოტალურად გაყალბდა", – აცხადებს ბურდული.
მისივე თქმით, არჩევნების გაყალბების პროცესში მმართველი პარტია და სუს-ი ჩართულები არიან.
