ლიტვისა და ლატვიის მთავრობების გადაწყვეტილებით, საქართველოსთან საჰაერო მიმოსვლა მინიმუმ ერთი თვით შეწყდა ჩვენთან კორონავირუსის აფეთქებული სტატისტიკის გამო, წერს სოციალურ ქსელში "ევროპული საქართველოს" ერთ-ერთი ლიდერი, დეპუტატი გიორგი კანდელაკი.
მისი განმარტებითვე, გაზაფზულ-ზაფხულში მარტო ლიტვიდან და ესტონეთიდან 16 ტურისტებით სავსე ჩარტერს უთხრეს უარი აქ ტურისტების ჩამოყვანასა და ფულის დახარჯვაზე.
"გაზაფხულზე და ზაფხულში ჩვენი მთავრობა ამ ქვეყნებს დასცინოდა ისინი რა ბანძები არიან და ჩვენ რა მაგრებიო. მარტო ლიტვიდან და ესტონეთიდან 16 ტურისტებით სავსე ჩარტერს უთხრეს უარი (ეს მარტო მე რაც გავიგე) აქ ტურისტების ჩამოყვანასა და ფულის დახარჯვაზე. დღეს როგორც გარდაცვლილთა რაოდენობით ასევე მილიონ მოსახლეზე შემთხვევებით ბალტიის სამივე ქვეყანას შეუდარებლად უკეთესი სტატისტიკა აქვს ვიდრე „კორონას დამმარცხებელ ოცნებას“, წერს კანდელაკი.
