"ქართული მარშის" ლიდერი სანდრო ბრეგაძე, ტელეკომპანია "ფორმულასთან" საუბრისას ამტკიცებს, რომ ირაკლი კობახიძის გარემოცვიდან ბარიერის გადალახვა და პარლამენტში შესვლა შესთავაზეს.
როგორც სანდრო ბრეგაძე ირწმუნება, ხმების მომატების სანაცვლოდ "ქართულ მარშს" არჩევნების შედეგების გაპროტესტება უნდა შეეწყვიტა.
"შემიძლია ხატზე დავიფიცო, იყო შემოთავაზება, რომ ქართული მარში თუ გაჩერდებოდა, რამდენიმე ათას ხმას წაგვამატებდნენ და ბარიერს გადაგვალახინებდნენ. რაზეც კატეგორიული უარი განვაცხადეთ. შემოთავაზება იყო ირაკლი კობახიძის უახლეოსი გარემოცვიდან. სულ რომ 10 კაცით შეგვიშვათ პარლამენტში, საჯაროდ ვდებ პირობას ვდებ, რომ ამ მანდატებს დავხევეთ და სანაგვეში გადავყრით. ეს არ არის პარლამენტი", - თქვა ბრეგანძემ ფორმულასთან საუბარში.
შეგახსენებთ, "ქართული მარში" არჩევნებს გაყალბებულად მიიჩნევს და "ქართულ ოცნებას" მათი ხმების მიტაცებაში ადანაშაულებს.
