ჰოსპიტლების საერთაშორისო ორგანიზაციების ქსელის IHF-ის მიერ ორგანიზებული ვირტუალური ფორუმი დღეს ჩატარდება და მასში მონაწილეობას მსოფლიოს მასშტაბით ჯანდაცვის სფეროს წარმომადგენლები მიიღებენ. ფორუმზე განხილული იქნება COVID 19 პანდემიის პერიოდში ჯანდაცვის მომსახურებების ტრანსფორმაციის საკითხები.
საერთაშორისო ფორუმზე საქართველოდან მოხსენებით ევექსი ჰოსპიტლების გენერალური დირექტორის მოადგილე ეკა ქავთარაძე გამოვა, რომელიც კოლეგებს COVID-19 -ის გამოწვევებთან გამკლავებისას ქსელში ჩატარებულ ღონისძიებებს გააცნობს როგორც ჰოსპიტლების ინფრასტრუქტურული მორგებისა და კლინიკური გუნდების გადამზადების, ასევე სერვისების ხელმოსაწვდომობის კუთხით.
საერთაშორისო ფორუმზე მოხსენებების სერია ონლაინ რეჟიმში ჩატარდება. მსოფლიოს მასშტაბით ჯანდაცვის სფეროს ლიდერები ერთმანეთს იმ მთავარ გამოცდილებებს გაუზიარებენ, რომელიც კოვიდ კრიზისის პერიოდში მიიღეს და განიხილავენ თუ როგორ უნდა განვითარდეს ჯანდაცვის სერვისები პანდემიის და შემდგომ პერიოდში.
