"ერთიანი ნაციონალური მოძრაობა - ძალა ერთობაშიას" მაჟორიტარი დეპუტატობის კანდიდატი რუსთავის ოლქში დავით კირკიტაძე აცხადებს, რომ პარლამენტში შესვლასთან დაკავშირებით გადაწყვეტილები მიღებამდე საკუთარ ამომარჩევლებს მოუსმენენ. ამის შესახებ კირკიტაძემ "რუსთავი 2"-ის ეთერში განაცხადა.
მისივე თქმით, პარტიას ნამდვილად არ სურს ლეგიტიმაცია მისცეს გაყალბებულ არჩევნებს, თუმცა გადაწყვეტილებას ამომრჩევლებთან ერთად მიიღებენ.
"დიდი მადლობა მინდა გადავუხადო ყველა ამომრჩეველს, რომელიც მოვიდა არჩევნებზე და დააფიქსირა ნება. ამომრჩევლის ნება კი იყო ის, რომ მათ ხმა არ მისცეს ბიძინა ივანიშვილს და ის გაუშვეს ხელისუფლებიდან, რაც არ უნდა დაწეროს ცესკომ.
"ევროპული საქართველოს" გადაწყვეტილებას მივესალმებით. ჩვენ, პირველ რიგში, არ ვხელმძღვანელობთ ემოციით, პატივს ვცემთ ჩვენი ამომრჩევლის მოთხოვნას, მათ მოსაზრებას. ჩვენ ნამდვილად არ გვსურს გაყალბებული არჩევნების შედეგად, ამ დაწერილი ოქმის შედეგად მოპოვებული მანდატებით შევიდეთ და ვიყოთ პარლამენტის წევრები, თუმცა, ჩვენ ველოდებით ჩვენი ამომრჩევლის მკაფიო და ნათელ პასუხს და ეს მკაფიო პასუხი იქნება 8-ში, როცა ჩვენს გაბრაზებულ ამომრჩეველს ვთხოვეთ მოსულიყვნენ რუსთაველზე და იქ ოფიციალურად გავაკეთებთ განაცხადს. ჩვენ ყურადღებით ვუსმენთ საქართველოს მოქალაქეს და ჩვენს ამომრჩეველს", - თქვა კირკიტაძემ.
