"ქართული ოცნების" აღმასრულებელი მდივნის, ირაკლი კობახიძის განცხადებით, თუ მათი მაჟორიტარი დეპუტატობის კანდიდატები [სოზარ სუბარი, ლევან კობიაშვილი და გიორგი ქადაგიშვილი] არჩევნებს წააგებენ, პოლიტიკიდან წავა.
ირაკლი კობახიძე ამ განცხადებით, "მთავარი არხის" დაკვეთით ჩატარებული Ipsos-ის კვლევის შედეგებს გამოეხმაურა, რომლის მიხედვითაც, სოზარ სუბარს ლევან ხაბეიშვილი ჯაბნის, ლევან კობიაშვილს - ნიკა მელია, ხოლო გიორგი ქადაგიშვილს კი - გიორგი ბოტკოველი.
"გუშინ დაიდო მონაცემები ე.წ. Ipsos-ის, რომლის მიხედვითაც თითქოს ნიკა მელია, მე მგონი, ლევან ხაბეიშვილი და გიორგი ბოტკოველი არჩევნებს იგებენ და იგებენ თან პირველ ტურში, მარტივად მინდა გითხრათ ერთი რამ, თუ ჩვენი სამი კანდიდატიდან: კობიაშვილი გლდანში, სოზარ სუბარი სამგორში და ირაკლი ქადაგიშვილი თელავის, ახმეტის, ყვარელის, ლაგოდეხის ოლქში, თუ რომელიმე ერთი მათგანი მაინც ვერ მოიგებს არჩევნებს, მკაფიოდ ვამბობ, მე პოლიტიკიდან წავალ. ხოლო თუ აღმოჩნდება და სამივე მოიგებს, შევთანხმდეთ და გადაეცით თქვენს გენპროკურორს, ნიკა გვარამიას, ქართული მედიიდან და პოლიტიკიდან წავიდეს.
ის, ბუნებრივია, ამაზე ვერ წამოვა, რადგან არის მხდალი ადამიანი და ბუნებრივია, ვერ აღიარებს საკუთარ წაგებას, მოდით, გადაეცით ეს თქვენს ქალაჩუნა გენერალურ დირექტორს", - განაცხადა კობახიძემ.
