საფრანგეთის რესპუბლიკის პრეზიდენტმა, ემანუელ მაკრონმა ქვეყანაში საყოველთაო კარანტინი გამოაცხადა. ეს უკვე მეორე საყოველთაო კარანტინია, რომელიც კორონავირუსის პანდემიის დაწყების დღიდან, საფრანგეთში გამოცხადდა.
საყოველთაო კარანტინი ძალაში ხვალიდან შევა და ნოემბრის ბოლომდე იმოქმედებს, თუ ეპიდემიოლოგიურმა ვითარებამ მისი გახანგრძლივობა არ მოითხოვა.
ახალი შეზღუდვების შესაბამისად, აიკრძალება გადაადგილება საფრანგეთის რეგიონებს შორის.
დაიხურება რესტორნები, კაფე-ბარები. მოქალაქეებს სახლიდან გასვლის უფლება ექნებათ მხოლოდ აუცილებლობის შემთხვევაში, სამსახურში წასასვლელად ან სამედიცინო მიზნებისთვის.
სკოლები და ქარხნები გააგრძელებენ მუშაობას.
ემანუელ მაკრონის განცხადებით, კორონავირუსის მეორე ტალღა პირველზე უფრო რთული იქნება.
შეგახსენებთ, 14 ოქტომბერს საფრანგეთში, პარიზსა და კიდევ რვა ქალაქში კომენდანტის საათი დაწესდა.
დღესვე, მკაცრი შეზღუდვები დაწესდა გერმანიაში.
