საქართველოს ჯანდაცვის მინისტრი ეკატერინე ტიკარაძე "დიდ მნიშვნელობას ვერ მიანიჭებდა" ევროკავშირის მიერ საქართველოს უსაფრთხო ქვეყნების სიიდან ამოღებაზე. ამის შესახებ მინისტრმა საკოორდინაციო საბჭოს სხდომის დასრულების შემდეგ განაცხადა.
"საქართველოს მოქალაქეს შეეზღუდება თუ არა მოგზაურობა, ამას კვლავ ევროკავშირი გადაწყვეტს, თუმცა თუ ჩვენ დღევანდელი ჭრილით განვიხილავთ იმ მდგომარეობას, რაც ევროკავშირშია, ვნახავთ, რომ ძალიან ბევრი ევროპული სახელმწიფო ლოქდაუნზე საუბრობს. აქედან გამომდინარე მე ამ გადაწყვეტილებას დიდ მნიშვნელობას ვერ მივანიჭებდი, ეს არის ცვლადი კომპონენტი. შეიძლება ხვალიდან კვლავ ამოღებული ვიყოთ იმ რისკ ქვეყნებიდან, რომელშიც ჩვენ დღეს და გუშინ ვიყავით", - განაცხადა ტიკარაძემ.
შეგახსენებთ, ევროკავშირმა ეპიდემიოლოგიური ვითარების გამწვავების გათვალისწინებით საქართველოს უსაფრთხო ქვეყნების სიიდან ამოიღო.