თემქაზე, სადაც სასწრაფო დახმარების ბრიგადას მოქალაქეებმა გზა გადაუკეტეს, საპატრულო პოლიცია მივიდა.
ამ წუთებში, თბილისში, თემქის დასახლებაში, მეზობლებმა გზა გადაუკეტეს სასწრაფო-სამედიცინო დახმარების ბრიგადას, რომელსაც ადგილობრივების ცნობით, კოვიდინფიცირებული 65 წლის ქალი და მასთან ერთად მცხოვრები, ასევე, ინფიცირებული შეზღუდული შესაძლებლობების მქონე არასრულწლოვანი კლინიკაში არ გადაჰყავს.
როგორც "ჯი-ეიჩ-ენს" ოჯახის ახლობელმა განუცხადა, მე-12 დღეა 65 წლის ქალი მძიმე მდგომარეობაშია, ხშირად უწევთ სასწრაფოს გამოძახება, თუმცა სასწრაფოს არ გადაჰყავს იმ მიზეზით, რომ კლინიკებში ადგილები არ არის.
"65 წლის ქალთან ერთად ცხოვრობს მინდობით აღზრდით შეზღუდული შესაძლებლობის მქონე არასრულწოვანი. კორონავირსი მასაც დაუდასტურდა, თუმცა სასწრაფოს არც ერთი მათგანი კლინიკაშ არ გადაჰყავს. ორივეს აქვს სუნთქვის პრობლემა და ფიზიკურად გადაადგილებაც არ შეუძლიათ", - უთხრა "ჯი-ეიჩ-ენს"ოჯახის ახლობელმა.
შეგახსენებთ, დღეს მთავრობის ადმინისტრაციაში გამართულ ბრიფინგზე, საქართველოს ჯანდაცვის მინისტრმა, ეკატერინე ტიკარაძემ განაცხადა, რომ საქართველოში საწოლფონდის დეფიციტი არ არის.
მისივე თქმით, პრეტენზიების სასწრაფო-სამედიცინო დახმარების ბრიგადებთან, რომელიც მათ დაყოვნებას უკავშირდება, არაკორექტულია.
