ჩემი შინაგანი რწმენით, ჩემი მოსაზრებით და ეს არ არის ჩვენი საერთო მოაზრება და მათ შორის არც გამოძიების, მე ღრმად მჯერა რომ ეს ადამიანები, რომლებიც გამოკვეთა პროკურატურამ პირველ ეტაპზე და მისცა პასუხისგებაში, არიან ჩვეულებრივი შემსრულებლები, - განაცხადა საქართველოს თადაცვის მინისტრმა, ირაკლი ღარიბაშვილმა საქართველოს ტერიტორიების საწინააღმდეგოდ ჩადენილი ქმედების ბრალდებით დაკავებულ საქართველო-აზერბაიჯანის დელიმიტაცია-დემარკაციის კომისიის ორი ყოფილი წევრის, ივერი მელაშვილისა და ნატალია ილიჩოვას შესახებ ტელეკომპანია "ქართული არხის" ეთერში.
მისი თქმით, მას დარჩა შთაბეჭდილება, რომ ამ ადამიანებით ხდებოდა მანიპულირება და მაშინაც ბრმა იარაღად გამოიყენეს და დავალება შეასრულებინეს.
"ჩემი შინაგანი რწმენით, ჩემი მოსაზრებით და ეს არ არის ჩვენი საერთო მოსაზრება და მათ შორის, არც გამოძიების, მე ღრმად მჯერა რომ ეს ადამიანები, რომლებიც გამოკვეთა პროკურატურამ პირველ ეტაპზე და მისცა პასუხისგებაში, არიან ჩვეულებრივი შემსულებლები. ვის წარმოუდგენია, რომ დიქტატორი, ამ მასხარა სააკაშვილის ხელისუფლების დროს, ისეთი მნიშვნელოანი საკითხი, როგორიც არის ტერიტორიების დემარკაცია-დელიმიტაცია მეზობელ ქვეყანასთან და ტერიტორიების შეთანხმება, განხორციელდა უმაღლესი პოლიტიკური ხელმძღვანელობის გადაწყვეტილების გარეშე. გამორიცხულია!", - თქვა ღარიბაშვილმა და აღნიშნა, რომ ადამიანების დაჭერა არავის უხარია, თუმცა "პროკურატურის გადაწყვეტილება ეს არის პროკურატურის გადაწყვეტილება".
"არავის უხარია ადამიანების დაჭერა. როცა საქმე ეხება ჩვენ მიწა-წყლის, რომელიც ჩვენმა წინაპრებმა შემოგვინახეს, მოგვიტანეს, ბედის განკარგვა არის ყველაზე დიდი პასუხიმგებლობა, მმართველისა და ხელისუფლებისთვის. თუ ამ ადამიანებს, რომელთაც შეხება აქვს ტერიტორებთან და ვერ აცნობიერებენ პასუხიმგელობას, ეს არის დანაშაული. ეს არის ღალატი ჩემთვის. პროკურატურის გადაწყვეტილება ეს არის პროკურატურის გადაწყვეტილება. მისი გამოძიების ტაქტიკის საკითხი. მე არ ვიცი, რა მოტივაცა შესაძლოა ჰქონოდა გამოძიებას.... დამრჩა შთაბეჭდილება რომ მანიპულილრება ხდებოდა ამ ადამიანებით. ალბათ მაშინაც ბრმა იარაღად გამოიყენეს და დავალება შეასრულებინეს, ამას გამოძიება დაადგენს. რა თქმა უნდა ჩემთვის დაუჯერებელია, რომ ეს საკითხი გადაწყდა სააკაშვილის გარეშე", - თქვა ღარიბაშვილმა.
შეგახსენებთ, საქართველოს ტერიტორიების საწინააღმდეგოდ ჩადენილი ქმედების ბრალდებით საქართველო-აზერბაიჯანის დელიმიტაცია-დემარკაციის კომისიის ორი ყოფილი წევრი, ივერი მელაშვილი და ნატალია ილიჩოვა დააკავეს.
პროკურატურის ბრალდებით, კომისიის ყოფილი წევრები საზღვრების დელიმიტაციის პროცესში 1970-80-იან წლებში გამოცემულ რუკებზე დატანილი საზღვრის ხაზებით ხელმძღვანელობდნენ, რაც ჩვენი ქვეყნის ისტორიულ საზღვარს არსებითად ეწინააღმდეგება. სამართალდამცველებმა ჩხრეკისას 1938 წლის რუკა ამოიღეს, რომელზეც, გამოძიების ცნობით, დავით გარეჯის სამონასტრო კომპლექსი საქართველოს ტერიტორიაზე იყო მოხვედრილი.
2020 წლის 17 აგვისტოს საქართველოს გენერალურ პროკურატურაში გამოძიება დაიწყო სისხლის სამართლის საქმეზე, უცხო ქვეყნისთვის საქართველოს ტერიტორიის ნაწილის გადაცემისაკენ მიმართული მოქმედების განხორციელების ფაქტზე.
2020 წლის 7 ოქტომბერს პროკურატურამ საქართველოს ტერიტორიის ნაწილის გადაცემისკენ მიმართული ქმედების ბრალდებით დააკავა საგარეო საქმეთა სამინისტროს მეზობელი ქვეყნების დეპარტამენტის, სასაზღვრო ურთიერთობათა სამსახურის უფროსი ივერი მელაშვილი და შსს სასაზღვრო პოლიციის სახმელეთო საზღვრის დაცვის დეპარტამენტის მთავარი ინსპექტორი ნატალია ილიჩოვა.
ივერი მელაშვილსა და ნატალია ილიჩოვას აღკვეთის ღონისძიების სახით პატიმრობა 8 ოქტომბერს შეეფარდათ.
