ყველანაირი სპეკულირება ინფიცირებულების რაოდენობის ზრდაზე უკიდურესად მიუღებელი და ამორალური. ამის შესახებ საქართველოს პრემიერ-მინისტრმა, გიორგი გახარიამ მთავრობის სხდომის დასრულების შემდეგ განაცხადა.
"ვირუსთან ადაპტაციას და მის მართვას სჭირდება მაღალ პასუხისმგებლობა მთავრობის, საჯარო და კერძო ორგანიზაციების, ჩვენი მოქალაქეების მხრიდან. ყველას კარგად უნდა გვესმოდეს, რომ დღეს ქვეყანაში წესების დაცვა, პირბადის ტარება, ელემენტარული დისციპლინა და კანონების შესრულება, ეს არის პატრიოტიზმი. ეს არის ის პატრიოტიზმი, რომელიც თითოეულ ჩვენს მოქალაქეს მისცემს შესაძლებლობას, დაიცვას თავისი ჯანმრთელობა და რაც შეიძლება სწრაფად აღვადგინოთ ჩვენი ეკონომიკა. ყველანაირი სპეკულირება ინფიცირებულების რაოდენობის ზრდაზე, სამედიცინო სექტორის მზადყოფნაზე ან საწოლების საკმარისობაზე, ეს არის უკიდურესად მიუღებელი და ამორალური", - განაცხადა გახარიამ.
შეგახსენებთ, დღეს საქართველოში კორონავირუსით ინფიცირების ახალი 919 შემთხვევა დადასტურდა.
