პატრიარქის ფონდ "მოწყალე სამარიტელის" გამგეობის თავმჯდომარედ დეკანოზი შალვა კეკელია დაინიშნა. ამის შესახებ ნათქვამია კათოლიკოს-პატრიარქის ბრძანებაში, რომელსაც საპატრიარქო ავრცელებს.
ამავე ბრძანების თანახმად, ფონდის აღმასრულებელ დირექტორად დაინიშნა არქიმანდრიტი იოანე.
ფონდ "მოწყალე სამარიტელის" დაფუძნების შესახებ პატრიარქმა სვეტიცხოვლის საკათედრო ტაძარში დღეს განაცხადა.
"დაფუძნდა ფონდი, "მოწყალე სამარიტელი", გაჭირვებული ადამიანების დასახმარებლად. ვისაც სურს, მიიღოს მონაწილეობა, ამ ფონდში თვეში შემოიტანს ერთ ლარს. იმედი მაქვს, ეს ფონდი დაეხმარება გაჭირვებულ სტუდენტებს, გაჭირვებულ ხალხს", - განაცხადა ილია მეორემ.
