"ჩვენი საქართველო-თავისუფალი დემოკრატები" პარლამენტის თავმჯდომარე დავით ბაქრაძისგან ქსნის მე-7 კოლონიაში დეპუტატ გიორგი ცაგარეიშვილის დაშვებას ითხოვენ, რომ მან ნაცემი 9 პატიმრის ჯანმრთელობის მდგომარეობა პირადად შეისწავლოს. ამის შესახებ ირაკლი ალასანიამ პარტიის ოფსშო გამართულ პრესკონფერენციაზე განაცხადა.
როგორც ალასანიამ განაცხადა, ბოლო დროს, არაერთმა არასამთავრობო ორგანიზაციამ და ადვოკატმა საჯაროდ გამოხატა შეშფოთება იმის შესახებ, რომ აგვისტოს თვიდან მოყოლებული ქსნის მე-7 კოლონიაში ხდება პატიმრების ცემა და შეურაცხყოფა.
ალასანიასვე თქმით, ნაცემი პატიმრები ვარაუდობენ, ამგვარი მოპყრობა განპირობებულია იმ საჩივრების გამო, რომლებითაც ისინი მიმართავენ სხვადასხვა ორგანოებს და მათ შორის სტრასბურგის სასამართლოს.
"ერთ-ერთი პატიმრის სახვაძის მდგომარეობით თავად სტრასბურგის სასამართლოც დაინტერესდა და იუსტიციის სამინისტროს განმარტებები მოსთხოვა. სასჯელაღსრულების სასამართლოს დღემდე არ ჩაუბარებია სამოქალაქო საზოგადოებისთვის ანაგარიში დაიწყო თუ არა გამოძოება ცემის პაქტებზე"-განაცხადა ალასანიამ.
"თავისუფალი დემოკრატები" პარლამენტის თავმჯდომარე დავით ბაქრაძისგან მოითხოვენ დეპუტატი გიორგი ცაგარეიშვილი დაუშავას ქსნის კოლონიაში, რომ მან თავად მოინახულოს პატიმრები.
შეგახსენებთ, რომ სხვადასხვა არასამთავრობო ორგანიზაციები ქსნის მე-7 კოლონიაში, ციხის ადმინისტრაციის მხრიდან 9 პატიმრის ცემის ფაქტზე საუბრობენ. ესენი არიან: ზურაბ ხაჩიძე, ირაკლი დანგაძე, რამაზ მურადოვი, კახა აბულაძე, დავით მუსტოანი, ლერი მალარიძე, ირაკლი ცანავა, არჩილ სახვაძე.
