თბილისის შიდსისა და ინფექციური პათოლოგიების ცენტრის ბოქსირებული განყოფილების ხელმძღვანელის მარინა ენდელაძის განცხადებით, კორონავირუსის გავრცელების თვალსაზრისით, საქართველო, ჯერჯერობით, ისევ მწვანე ზონაში რჩება.
მარინა ენდელაძის თქმით, ახალი ინფიცირების შემთხვევები ეტაპობრივად შემცირდება.
"გამოჯანმრთელებულებიც არიან, თავისუფლდება საწოლები. გარდა ამისა, საწოლები, როგორც ვიცი, არის მარაგში, მათ შორის ჩვენთანაც. ვფიქრობ, რომ ის პაციენტები, რომლებიც საჭიროებენ ჰოსპიტალიზაციას, მათთვის არ იქნება პრობლემა სტაციონარში მოთავსება.
ჯერ ჯერობით, ალბათ, ისევ მწვანე ზონაში ვართ. ვერ გეტყვით, რომ გადასარევი ეპიდსიტუაციაა, ჩვენ არ ვიყავით მიჩვეული ასეთი რაოდენობით ახლადგამოვლენილ პაციენტებს. რადგანაც მოხდა, რას ვიზამთ, საბედნიეროდ, ხდება ის, რომ არ არის პრობლემები დატესტვაზე, ყველა კონტაქტი იტესტება და ხდება გამოვლინება. გაივლის გარკვეული პერიოდი და მიღებული ზომების გათვალისწინებით, ვფიქრობ, რომ რაოდენობა შემცირდება," -განაცხადა მარინა ენდელაძემ.
stopcov.ge-ის მონაცემებით, დღეისათვის ქვეყანაში COVID-19-ის 7564 შემთხვევაა გამოვლენილი, მათ შორის გამოჯანმრთელებულია 3992 პაციენტი, ხოლო გარდაიცვალა - 48.
კარანტინის რეჟიმში იმყოფება 5392 ადამიანი, ხოლო სტაციონარში მეთვალყურეობის ქვეშ -836. კოვიდ სასტუმროში მყოფი პირები - 1100.
უცხოეთიდან სამკურნალოდ გადმოყვანილი საქართველოს მოქალაქეების რაოდენობა კი შეადგენს - 41