საქართველოს პრემიერ-მინისტრ გიორგი გახარიასთან შეხვედრა მეგობრული და პროდუქტიული იყო, - ამის შესახებ ევროკომისარი საშინაო საკითხებში ულვა იოჰანსონი, „ტვიტერში“, საქართველოს პრემიერ-მინისტრთან შეხვედრასთან დაკავშირებით წერს.
როგორც ევროკომისარი აღნიშნავს, გიორგი გახარიასთან შეხვედრაზე განიხილეს მიგრაციისა და მობილობის სფეროში პარტნიორობის შემდგომი განვითარების საკითხები.
„საქართველოს პრემიერ-მინისტრ გიორგი გახარიასთან შეხვედრა მეგობრული და პროდუქტიული იყო. განვიხილეთ სამომავლო გზები მიგრაციისა და მობილობის სფეროში ჩვენი ძლიერი პარტნიორობის შემდგომი განვითარებისთვის“, - აღნიშნავს ულვა იოჰანსონი.