სომხეთის მთავრობის გადაწყვეტილებით, ქვეყანაში არსებული საომარი მდგომარეობის გათვალისწინებით, სამობილიზაციო რეზერვში მყოფი 18-დან 55 წლამდე ასაკის მამაკაცების ქვეყნიდან გასვლა შეიზღუდება. ამის შესახებ სომხეთის მთავრობის კაბინეტის პრესსამსახურმა განაცხადა.
გავრცელებული ცნობით, ამ ასაკობრივი კატეგორიის მამაკაცები ქვეყანას მხოლოდ სამხედრო კომისარიატის ნებართვის შემდეგ დატოვებენ.
საომარი მდგომარეობა სომხეთში 27 სექტემბერს გამოცხადდა.