ევროპული საქართველოს ერთ-ერთი ლიდერი, ზუგდიდის მაჟორიტარობის კანდიდატი, გიგი უგულავა, მიხეილ სააკაშვილის განცხადებს ეხმაურება.
გიგი უგულავას თქმით, სააკაშვილის განცხადება არის მისი სურვილი დაბრუნდეს წარსულში ერთპიროვნულ მმართველად და როგორც უგულავა ამბობს, საზოგადოებისათვის მისი შეთავაზება არის წარსულის შეთავაზება.
უგულავა აღნიშნავს, რომ ენმ და ქართული ოცნება სურვილებსა და მიმართებებში ერთმანეთს ემსაგვსებიან.
"სამწუხაროდ აბსოლუტურად არაადეკვატური განცხადება ვიხილეთ, ბატონმა სააკაშვილმა ერთი კვირაც ვერ გაძლო, რომ გამოეჩინა თავისი რეალური სურვილი, ის რაც საზოგადოებას სთავაზობს, ანუ საკუთარ თავს პირველ პირად, ეს უკვე არის წარსული, სააკაშვილი იყო ამ ქვეყნის პირველი პირი და შესაბამისად, 2020 წელს, მისი თავიდან შეთავაზება არის უბრალოდ წარსულის შეთავაზება. ივანიშვილს სურს შეინარჩუნოს სტატუს-კვო, ანუ ის ჭაობი, სადაც მან ქვეყანა ჩაიყვანა, ხოლო სააკაშვილი სთავაზობს წარსულს. ქვეყანას კი სჭირდება მომავალი, გარდამტეხი ცვლილებები მომავლისაკენ. აქედან გამომდინარე, ძალიან სამწუხაროა, მაგრამ ენმ და ქართული ოცნება თავის მიმართებებსა და სურვილებში ხშირად ერთმანეთს ემსგავსებიან", - გიგი უგულავა