შეცდომების აღიარება პოლიტიკოსების მხრიდან ძლიერი მხარეა, ამიტომ მიმაჩნია რომ, მიხეილ სააკაშვილი ბევრი მიზეზით არის გამორჩეული პოლიტიკური ლიდერი. ამის შესახებ ერთიანი ნაციონალური მოძრაობიეს ერთ-ერთმა ლიდერმა, სალომე სამადაშვილმა "ტვ პირველის" ეთერში განაცხადა.
"მიხეილ სააკაშვილი დღეს არის ქვეყანაში ყველაზე პოპულარული ოპოზიციური ლიდერი მაგრამ ამავე დროს მისი მმართველობის პირობებში მოხდა ნდობის გარკვეული ხიდების ჩატეხვა საზოგადოების ნაწილთან და მას ძალიან კარგად ესმის, რომ ამ ხიდების აღდგენა საზოგადოებასთან აუცილებელია...
შეცდომების აღიარება პოლიტიკოსების მხრიდან ძლიერი მხარეა, ამიტომ მიმაჩნია რომ, მიხეილ სააკაშვილი ბევრი მიზეზით არის გამორჩეული პოლიტიკური ლიდერი, მაგრამ მათ შორის ერთ-ერთი ეპიზოდი მისი პოლიტიკური ბიოგრაფიის მნიშვნელოვანი შტრიხია, როდესაც ის 7 ნოემბრის შემდგომ გადადგა თანამდებობიდან და ეს რეგიონში უპრეცენდენტო ნაბიჯი იყო. ეს აჩვენებს მისი აზროვნების პოლიტიკურ მასშტაბს", - თქვა სალომე სამადაშვილმა.