თუ სისტემა არ არის ნორმალური, საბოლოო ჯამში ყველა პოლიტიკოსი გააფრენს. ძალაუფლებას ძალიან მაცდური ხიბლი აქვს. ამის შესახებ "ევროპული საქართველოს" ერთ-ერთმა ლიდერმა, გიგი უგულავამ ტელეკომპანია "ფორმულას" ეთერში განაცხადა, სადაც მან პარტიის საარჩევნო პროგრამის შესახებ ისაუბრა.
თუ სისტემა არ არის ნორმალური, საბოლოო ჯამში ყველა პოლიტიკოსი გააფრენს. ძალაუფლებას ძალიან მაცდური ხიბლი აქვს. ამიტომ პირველი ეს არის კოალიცია და კოალიცია არის სწორედ ის წინაპირობა, როდესაც მე სადღაც გავუტევ თქვენ დამაბალანსებთ, როცა თქვენ გაუტევთ მე დაგაბალანსებთ და აი, ეს ბალანსი იწვევს სწორედ იმას, რომ ჩვენ ვართ არა ერთ კაცზე და ერთ პარტიაზე ორიენტირებული, არამედ ვართ ხალხზე და ხალხის პრობლემებზე ორიენტირებული.
მეორე არის ფუნდამენტური რეფორმა მართლმსაჯულების სისტემაში. ფაქტი არის, რომ 30-წლიანი მმართველობის და დამოუკიდებლობის პირობებში ჩვენ ვერ მოვახერხეთ დამოუკიდებელი სასასამართლოს შექმნა. ვერც 400 მოსამართლეს ვერ ვიპოვით ასე მარტივად, იმიტომ რომ თუ იქნება არსებული სისტემა შენარჩუნებული. ის 400-დან ნახევარზე მეტი კვლავ ხელისუფლების მონობაში აღმოჩნდება, ან მივიღებთ ისეთი მონსტრების კორპორაციას, რომელიც დღეს მურუსიძის სახით გვყავს. ამიტომ ნაფიცი მსაჯულების არის სწორი გამოსავალი და თუ ადამიანს აქვს იმის უნარი, რომ აირჩიოს მთავრობა და პრემიერი და პარლამენტი, რომელიც მის ქვეყანას განაგებს, ასევე აქვს თავისუფლად იმის შესაძლებლობა, რომ 12-მა ადამიანმა განსაჯოს არის თუ არა ადამიანი დამნაშავე...
მესამე ეს არის მთლიანად პოლიციის და პროკურატურის სისტემის რეფორმა, რომელიც ასევე შეიცავს არჩევითობის კომპონენტს. როდესაც მაჟორიტარობა გაუქმდება და პოლიტიკოსები პროპორციული სიით აირჩევა, სისტემა გახდება პროპორციული, სამაგიეროდ ადგილებზე იქნება პოლიციის უფროსების არჩევა", - განაცხადა გიგი უგულავამ.