მეგრელები ასეთ გადაწყვეტილებას არ შეუქებენ. დედა ასეთ ბრძოლაში არ უნდა შეუშვა, ეს დედის გაწირვის ტოლფასია, - ამის შესახებ იმედის ეთერში საპარლამენტო უმრავლესობის წევრმა ლადო კახაძემ განაცხადა.
“მეგრელები ასეთ გადაწყვეტილებას არ შეუქებენ. დედა ასეთ ბრძოლაში არ უნდა შეუშვა, ეს დედის გაწირვის ტოლფასია. ამას არც ერთი მეგრელი, არც ერთი კოლხი არ შეუქებს ამას. დედა იქით დასაცავია. დედას უნდა გადაეფარო, მეუღლეს უნდა გადაეფარო. ოჯახის გაზრდა ეს არის, ოჯახის წესები ეს არის”, - თქვა კახაძემ.
გავრცელებული ინფორმაციით, ზუგდიდში ერთიანი ნაციონალური მოძრაობის მაჟორიტარი დეპუტატობის კანდიდატი, შესაძლოა, მიხეილ სააკაშვილის დედა, გიული ალასანია იყოს.
