მიხეილ თუმანიშვილს [რუსთაველის თეატრიდან] მე ვერ გავაგდებდი, იმიტომ რომ არაფერი ვიყავი მაშინ, - განაცხადა რუსთაველის თეატრის სამხატვრო ხელმძღვანელმა რობერტ სტურუამ ტელეკომპანია იმედის გადაცემაში "სიცრუის დეტექტორი".
მისი თქმით, მას კარგად არ ახსოვს მიზეზი რა იყო, თუმცა გაიხსენა, რომ "იმ პერიოდში მიხეილ თუმანიშვილს სპექტაკლები კარგი არ გამოუვიდა".
"მიხეილ თუმანიშვილს მე ვერ გავაგდები, იმიტომ რომ არაფერი ვიყავი მაშინ. ყვარყვარეც კი არ მქონდა დადგმული. თუმანიშვილს ჰქონდა უკვე უდიდესი შედევრი გაკეთებული - ანტიგონე. კარგად კი არ მახსოვს მიზეზი რა იყო... ჰო, რაღაც იდეოლოგიური დაუდეს და უნდა გითხრათ, იმ პერიოდში, რუსთაველის თეატრი განიცდიდა დიდ ცვალებადობას, მიშა თუმანიშვილის ხელმძღვანელობით. სპექტაკლები არ გამოუვიდა კარგი, ეს იყო "ზაფხულის ღამის სიზმარი", მერე იყო "ქალთა აჯანყება"... არის მომენტები, როდესაც რეჟისორებს... იმ პერიოდში მოხდა ეს ყველაფერი, როდესაც თეატრში იცვლებოდა ყველაფერი ძალიან მკვეთრად... ამიტომ იყო, რომ თაქთაქიშვილმა შეკრიბა დასი, მოვიდა და უთხრა... სხვათა შორის, მიშა დავიცავი მე დანარჩენი მისი მსახიობები ჩუმად ისხდნენ იქ, როცა სჭირდებოდა მართლა მათი დაცვა... და სერგო გარდაიცვალა, ზაქარიაძე და რატომღაც ასე გაავრცელეს ხმა, რომ ბატონი სერგოს გარდაცვალებაში მიშამ ითამაშა გარკვეული როლი, მას არ იღებდა როგორც მსახიობს და ნუ, რაღაცეები იყო ასეთი. და გაუშვეს ბატონი მიშა. რაღაცა ინტრიგები იყო, ყველაფერში არ ვერკვევი", - თქვა სტურუამ.
მისი თქმით, ამის შემდეგ შეიქმნა კოლეგია, რომლის ხელმძღვანელი იყო არჩილ ჩხარტიშვილი.
"თემო ჩხეიძე, მე, გიზო ჟორდანია და კიდევ ვიღაცეები ვიყავით წევრები", - თქვა სტურუამ.