კოვიდ 19-ისა და სეზონური გრიპის თანხვედრის პერიოდში, პროცესების მართვის გასაუმჯობესებლად, სერგო ჩიხლაძე -სტრატეგია აღმაშენებლის ერთერთი ლიდერი კონკრეტული ინიციატივებით გამოდის:
მისი თქმით, ქვეყანაში უნდა შეიქმნას გრიპის ვირუსის აცრებისთვის საჭირო ვაქცინების სამმაგი მარაგი, ვიდრე ეს მთავრობას აქვს მომარაგებული. ასევე, უნდა გაფართოვდეს ლაბორატორიათა ქსელი, მინიმუმ გაორმაგდეს, რომლებშიც მოლეკულური ტექნოლოგიით მოხდება დიფერენციალი დიაგნოსტიკა გრიპის ვირუსსა და კორონავირუსს შორის.
„იმ ტემპებით და ორგანიზებით, რასაც მთავრობა აჩვენებს, შეიქმნება სერიოზული პრობლემები როგორც ეპიდემიის მართვაში, ასევე პაციენტთა ნაკადის მართვაში. მთავრობის განცხადებით, ქვეყანაში შემოვა 135 000 გრიპის ვაქცინა, რაც მინიმალურ მოთხოვნასაც კი ვერ დააკმაყოფილებს. შეგახსენებთ, რომ შარშან კორონავირუსის არარსებობის შემთხვევაშიც კი, შემოტანილი იყო 140 000 გრიპის ვაქცინა, აქედან 40 000 ვაქცინამდე შემოიტანა კერძო სექტორმა. ყველას გვახსოვს როგორი მოთხოვნილება იყო შარშანაც, ადამიანები მიდიოდნენ სამედიცინო დაწესებულებებში და იქ კი ფიზიკურად აღარ იყო საჭირო რაოდენობა, ვიმეორებ ეს შარშან, როდესაც არ არსებობდა კოვიდ 19. ამ ფონზე, წელს მხოლოდ 135 000 ვაქცინით მზაობა არის მიზერულზე მიზერული და სერიოზულ პრობლემებს შექმნის. მოსახლეობის 4% იც ვერ შეძლებს ამის სარგებლობას, მაშინ, როდესაც განვითარებულ ქვეყნებს თითქმის 40-50-60% იანი მზაობა აქვთ მარაგების კუთხით“, - ამბობს ჩიხლაძე და აღნიშნავს, რომ არასაკმარისია იმ ლაბორატორიების რაოდენობა სადაც დიფერენციალური დიაგნოსტიკა მოხდება-კორონავირუსია თუ სეზონური გრიპი. მხოლოდ 21 ლაბორატორია , რასაც მთავრობა ამზადებს. არასაკმარისია და შექმნის პირდაპირი გაგებით ქაოსს, რადგან წელს უპრეცენდენტოდ დიდი რაოდენობას ექნება საჭიროება მსგავსი ტესტირების ჩატარების.
პირველი, სასწრაფოდ დაიწყოს მთავრობამ და ჯანდაცვის სამინისტრომ მოლაპარაკება რომ მინიმუმ 3 ჯერ მეტი რაოდენობის გრიპის ვაქცინა შემოვიდეს ქვეყანაში, რომ დაკმაყოფილდეს მოსახლეობის მინიმალური მოთხოვნილება მაინც. 135 000 ვაქცინა მინიმალური მოთხოვნებისთვისაც კი არ არის საკმარისი! ამავე დროს, დაიწყოს დროული მოლაპარაკება კერძო სექტორთანაც, მიეცეთ მათ მკაფიო ინსტრუქცია, რომ მათაც უზრუნველყონ თავიანთ ქსელებში ვაქცინის შესაბამისი რაოდენობის არსებობა.
„ამისათვის,სასწრაფოდ უნდა გაფართოვდეს, მინიმუმ უნდა გაორმაგდეს ლაბორატორიათა ქსელი, რომლებშიც მოლეკულური ტექნოლოგიით მოხდება დიფერენციული დიაგნოსტიკა, და გაირკვევა არის გრიპის ვირუსი, თუ კორონავირუსული ინფექცია. 21 ლაბორატორია არ არის საკმარისი და ეს ნაკლოვანება შექმნის სრულ ქაოსს და პანიკას მოსახლეობაში, რადგან კიდევ ვიმეორებ წელს იქნება გაზრდილი მოთხოვნა და საჭიროება როგორც ვაქცინებზე, ასევე დიაგნოსტიკურ პროცედურებზე. სტრატეგია აღმაშენებელმა ჯერ კიდევ აპრილში წარმოვადგინეთ ალგორითმი, მექანიზმი თუ როგორ უნდა დაიქსელოს მთელი ქვეყანა სადიაგნოსტიკო პუნქტებით, რომ მოსახლეობას დიაგნოსტიკა-ტესტირებაზე არ შეექმნას პრობლემები“, - ამბობს ჩიხლაძე.