ჩვენი, “ევროპული საქართველოს” გეგმა უკავშირდება არა ვინმეს ჩამოსვლას, ან არჩამოსვლას, ან მუქარას, არამედ - ამ ქვეყნის მომავალს მთლიანად, გარდამტეხ ცვლილებებს, რომელიც გვჭირდება და სწორ გზაზე დადგომას სწორი კომპასით, რომ ადამიანების ცხოვრება გაუმჯობესდეს ყველა მიმართულებით და ეს პოლიტიკური მარაზმი, რომელიც ივანიშვილმა შექმნა, დასრულდეს, - ევროპული საქართველოს ლიდერი, გიგა ბოკერია საქართველოს ყოფილი პრეზიდენტის, მიხეილ სააკაშვილის Facebook პოსტს ეხმაურება, სადაც სააკაშვილი წერს, რომ 7აგვისტოს გააკეთებს მიმართვას, მისი საქართველოში დაბრუნების გეგმასთან დაკავშირებით.
“ ჩვენი გეგმები არ არის დაკავშირებული ერთ კაცთან და ვინმეს დაბრუნებასთან. მთელი ქვეყნის მომავალთან არის დაკავშირებული. როგორც ჩანს, ამ კაცს, ნაციონალურ მოძრაობას უნდა 2012 წლამდე ვითარების დაბრუნება და ივანიშვილს სურს დღევანდელი სიტუაციის შენარჩუნება, სადაც უკიდეგანო ძალაუფლება აქვს და ხალხი ფეხებზე ჰკიდია. ევროპული საქართველოს ამოცანაა, რომ ეს ყველაფერი წარსულს ჩაბარდეს და ადამიანებს ჰქონდეთ შესაძლებლობა, რომ საკუთარ მომავალზე იზრუნონ თვითონ”, - თქვა ბოკერიამ.
