სკოლის დაწყების შემდეგ ყველაზე დიდი გამოწვევა იქნება სწორედ წინასაარჩევნო კამპანია და შესაბამისად არჩევნები 31-ში, როდესაც იქნება ყველაზე დიდი მობილობა, - ამის შესახებ დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა, ამირან გამყრელიძემ "ტვ პირველის" ეთერში განაცხადა.
"არჩევნებზე ალბათ დაახლოებით 2-მილიონამდე ადამიანი მიდის, ამიტომ ზედმიწევნით უნდა იქნეს დაცული რეკომენდაციები. ამაზე მუშაობს ჯგუფები თუ როგორ უნდა იყოს გაწერილი არჩევნების პროცედურის დროს ეპიდუსაფრთხოების ნორმები. მოგეხსენებათ, პანდემიის პერიოდში რამდენიმე ქვეყანაში არჩევნები ჩატარდა, არაფერი დიდი პრობლემები ამას არ გამოუწვევია, მაგრამ რა თქმა უნდა, დაცული იყო შესაბამისი რეკომენდაციები, ამიტომ ამის რეკომენდაციებიც იწერება", - განაცხადა ამირან გამყრელიძემ.
