"ქართული ოცნების" მაჟორიტარი დეპუტატის, დაჩი ბერაიას თქმით, ყველაზე მნიშვნელოვანი, რაც პარლამენტმა 4 წელიწადში გააკეთა, კონსტიტუციური კანონპროექტის ჩაგდება იყო.
ასე უპასუხა დაჩი ბერაიამ "ტვ პირველის" ჟურნალისტის მიერ დასმულ შეკითხვაზე, თუ რა გააკეთა ყველაზე მნიშვნელოვანი მე-9 მოწვევის პარლამენტმა.
"კონსტიტუციის ჩაგდება იყო ყველაზე მნიშვნელოვანი და ამ კონსტიტუციის ჩაგდების შემდეგ შესაძლებელი გახდა, რომ თითოეულ უბანს ჰყავდეს თავისი წარმომადგენელი მაჟორიტარის სახით", - თქვა ბერაიამ.
"კონსტიტუციის ჩაგდებაში" დაჩი ბერია გულისხმობდა კონსტიტუციური კანონპროექტის კენჭისყრაზე ჩაგდებას, რომლის მიხედვითაც 2021 წლის საპარლამენტო არჩევნები სრულად პროპორციული სისტემით უნდა ჩატარებულიყო.
