მიხეილ სააკაშვილის სააკაშვილის კანდიდატურას პრემიერის პოსტზე ჩვენ მხარს არ ვუჭერთ. ამის შესახებ "ევროპული საქართველოს" ერთ-ერთმა ლიდერმა, გიგა ბოკერიამ "რუსთავი 2"-ის ეთერში განაცხადა.
ბოკერიას თქმით, ის ეჭვობს, რომ ყოფილი პრეზიდენტის კანდიდატურის ირგვლივ კოალიციის შეკვრა მოხერხდეს.
"ჩვენი, "ევროპული საქართველოს" და, მე ვიტყოდი, საქართველოს ამოცანაა, რომ ეს ერთი და იგივე სცენარი დასრულდეს. საქართველოში, სადაც თითქოს დევნილი პოლიტიკოსები არ არსებობენ და ეს ამბავი, როცა ერთი იძახის - "დავბრუნდები", მეორე იძახის - "ვერ დაბრუნდება" და დევნას აგრძელებენ - დასრულდეს. ყველა პოლიტიკური ძალის უფლებაა, რომ მას ვინც სურს პრემიერად, ის დაასახელოს. ჩვენ ამ კანდიდატს მხარს არ ვუჭერთ, ჩვენ ჩვენი ხედვა გვექნება. თუ პროგნოზს გვეკითხებით, რა თქმა უნდა, ვერ მოხერხდება ამის გარშემო კოალიციის შეკვრა. კოალიციას შევკრავთ ჩვენ, "ევროპული საქართველო", რადგან ხედვა გვაქვს, ქვეყანა ამ ჩიხიდან როგორ გამოვიყვანოთ", - განაცხადა გიგა ბოკერიამ.
