პარლამენტის თავმჯდომარე არჩილ თალაკვაძე ეხმიანება საქართველოს მესამე პრეზიდენტის, მიხეილ სააკაშვილის განცხადებას მის საქართველოში დაბრუნებასთან დაკავშირებით.
თალაკვაძის თქმით, სააკაშვილს ჩამოსვლისთანავე განახლებული მართლმსაჯულება და პოლიტიკური პროცესი ელოდება.
"ყოველი არჩევნების წინ სააკაშვილი გამოდის და თავის შემცირებულ მხარდამჭერებს ეუბნება, რომ ის დაბრუნდება. ჰამოვიდეს, არ არის პრობლემა. მას, პირველ რიგში, ელოდება რეფორმირებული მართლმსაჯულება და შემდეგ პოლიტიკური პროცესი. მინდა გითხრათ, რომ ძალიან ბევრი მისი თანამებრძოლიც, როგორც ჩანს, მასზე ძალიან გაბრაზებულია, თუმცა თუ ის მაინც შეძლებს და მოძებნის ძალას, რომ დაბრუნდეს ქვეყანაში, აქ დახვდება თვისობრივად განსხვავებული სახელმწიფო. სამწუხაროდ, სააკაშვილი არ არის ჩვენი ქვეყნის თანამოქალაქე. ეს არის ადამიანი, რომელმაც საკუთარი ქვეყნის მოქალაქეობა გაცვალა თავის ვიწრო პოლიტიკურ ინტერესებზე,"- განაცხადა არჩილ თალაკვაძემ "რუსთავი 2"-ის ეთერში.
