ევროპული საბჭოს პრეზიდენტი შარლ მიშელი ბელარუსში მიმდინარე მოვლენებს ეხმიანება და აცხადებს, რომ ევროკავშირი უკვე შეუდგა სანქციებზე მუშაობას.
მისივე განცხადებით, ბელარუსში გამართული საპრეზიდენტო არჩევნები არც სამართლიანი იყო და არც თავისუფალი.
"არჩევნები ბელარუში არ იყო არც სამართლიანი და არც თავისუფალი. ის ძალადობრივი ქმედებები, რაც მშვიდობიანი მოქალაქეების წინააღმდეგ განახორციელეს, იყო შოკისმომგვრელი. ამისთვის ყველამ უნდა აგოს პასუხი. ევროკავშირი იწყებს მუშაობას სანქციებზე", - წერს ევროსაბჭოს პრეზიდენტი.
როგორც იუწყებიან, ევროკავშირის ლიდერები ბელარუსთან დაკავშირებით საგანაგებოდ 19 აგვისტოს შეიკრიბებიან.
მანამდე გაცხადდა, რომ ევროკავშირი ბელარუსის საპრეზიდენტო არჩევნების შედეგებს არ აღიარებს. არჩევნების შედეგების აღიარებაზე უარი თქვა დიდმა ბრიტანეთმაც.
15 აგვისტოს გამართულ სამიტზე ევროკავშირის ლიდერები ბელარუსის ოფიციალური პირებისთვის სანქციების დაწესებაზე შეთანხმდნენ.
ბელარუსში ერთ კვირაზე მეტია არ წყდება საპროტესტო აქციები, რომლის მონაწილეებიც არ ეთანხმებიან 9 აგვისტოს გამართულ საპრეზიდენტო არჩევნების შედეგებს. ცესკო-მ გამარჯვებულად მოქმედი პრეზიდენტი, ალიაქსანდრ ლუკაშენკა გამოაცხადა.
გასულ დღეებში აქციების მონაწილეებს ძალოვანები სასტიკად გაუსწორდნენ. მომიტინგეთა წინააღმდეგ სამართლადამცველებმა ცრემლსადენი გაზი, წყლის ჭავლი, რეზინის ტყვიები და მანათობელი ყუმბარები გამოიყენე.
დაიღუპა ორი ადამიანი, 200-ზე მეტი პირი დაშავდა. დაკავებულია 7 ათასამდე მოქალაქე.
