უახლოეს პერიოდში, რუსთავს ექნება ჰაერის სისუფთავის მართვის გეგმა. ასეთი გეგმა დღეს მხოლოდ და მხოლოდ თბილისს აქვს., - განაცხადა პრემიერ-მინისტრმა, გიორგი გახარიამ რუსთავის მაჟორიტარის კანდიდატის, ნინო ლაცაბიძის წარდგენაზე.
მისი თქმით, მთავრობის მიერ ინიცირებულია და დღეს უკვე პარლამენტშია კანონპროექტი, რომელიც საშემოდგომო სესიაზე სწრაფად დამტკიცდება და იმ კომპანიებს, რომლებიც არაკეთილსინდისიერად იქცევიან, კანონიერად მოეთხოვებათ ეკოლოგიური ნორმების დაცვა
„რუსთაველების აბსოლუტურად სამართლიანი გაბრაზება იმასთან დაკავშირებით, რომ ქალაქის ეკოლოგია არის მისახედი, ჩვენი მხრიდან აბსოლუტურად სერიოზულად იყო აღქმული. უახლოეს პერიოდში, რუსთავს ექნება ჰაერის სისუფთავის მართვის გეგმა. ასეთი გეგმა დღეს მხოლოდ და მხოლოდ თბილისს აქვს. სწორედ ამიტომ იყო მთავრობის მიერ ინიცირებული და დღეს უკვე პარლამენტშია კანონპროექტი, რომელიც დარწმუნებული ვარ, საშემოდგომო სესიაზე სწრაფად დამტკიცდება, რაც ჩვენ გვაძლევს საკანონმდებლო საფუძველს, რომ იმ კომპანიებს, რომლებიც არაკეთილსინდისიერად იქცევიან, კანონიერად მოვთხოვოთ ეკოლოგიური ნორმების დაცვა. მერწმუნეთ, რომ უმკაცრესად გაკეთდება”, - თქვა გახარიამ და აღიშნა, რომ კანონმდებლობა ძალაში შევა 2021 წლის 1 იანვრიდან და მათ მხრიდან არანაირი კომპრომისი არ იქნება.
