ამ კვირაში თბილისში ფონდ ათასწლეულის გამოწვევის -ს მთავარი აღმასრულებელი დირექტორი დანიელ იოჰანესი ჩამოვა.
ამის შესახებ პრეზიდენტის პრეს-სპიკერმა მანანა მანჯგალაძემ განაცხადა.
მისი თქმით, დაგეგმილია იოჰანესის საქართველოს პრეზიდენტ მიხეილ სააკაშვილთან შეხვედრა.
"ამ კვირაში თბილისში ფონდ ათასწლეულის გამოწვევის - ს მთავარ აღმასრულებელ დირექტორს ელოდებიან. დაგეგმილია მისი შეხვედრა საქართველოს პრეზიდენტთან. შეგახსენებთ, რომ პრეზიდენტ სააკაშვილსა და დანიელ იოჰანესს შორის შეხვედრა, სექტემბერში პრეზიდენტ სააკაშვილის აშშ-ში ვიზიტისას შედგა. ეს იყო ნიუ-იორკში. ეს შეხვედრაც სწორედ ნიუ-იორკში დაიგეგმა. მოლაპარაკებების თემები საკმაოდ საინტერესოა. თქვენ იცით რომ გარკვეულწილად შეფასდა გაწეული სამუშაოები. შეჯამდა ის სამუშაოები რომელიც ათასწლეულის კორპორაციამ გაწია საქართველოში. არსებობს თანამშრომლობის სხვა სამომავლო გეგმებიც. უნდა აღინიშნოს ბათუმში საერთაშორიო თანამედროვე ტექნოლოგიების უნივერსიტეტის პროექტიც." - განაცხადა მანჯგალაძემ.
ფონდ ათასწლეულის გამოწვევა 2004 წელს შეიქმნა აშშ-ში. კორპორაცის ძირითადი მიზანია სიღატაკესთან ბრძოლა. ის სხვადასხვა ქვეყნებს ეკონომიკურ გრანტებს აძლევს სიღარიბის დასაძლევად და სხვადასხვა პროექტების განსახორციელებლად. მათ საქართველოსაც გამოუყვეს გრანტი, რომელიც გზების მშენებლობას მოხმარდა სამცხე ჯავახეთსა და სხვა რეგიონებში.
