პერევიდან რუსი სამხედროების გასვლა საერთაშორისო თანამეგორობის ზეწოლის შედეგია.
ამის შესახებ საქართველოს პრეზიდენტის პრეს-სპიკერმა მანანა მანჯგალაძემ პრეზიდენტის სასახლეში გამართულ ბრიფინგზე განაცხადა.
მისი თქმით, საჩხერის რაიონის სოფელ პერევს 26 თვიანი ოკუპაციის შემდეგ ქართული მხარე სრულად აკონტროლებს.
"საერთაშორიო საზოგაოდებამ უკვე გააკეთა შეფასება, რომ ეს არის პირველი ნაბიჯი დეოკუპაციისკენ. ამ ნაბიჯის გადადგმა სწორედაც, რომ მათი ზეწოლის შედეგია. იმედი გვაქვს, რომ ეს ზეწოლა კვლავ გაგრძელდება. საქართველოს ხელისუფლებისა და მოსახლეობისთვის თითოეული გოჯის გათავისუფლება მნიშვნელოვანია. თუმცა საქართველოს 20 % კვლავ ოკუპირებული რჩება. ასევე შეუსრულებელი რჩება 2008 წლის სარკოზი-მედვედევის შეთანხმების პრინციპული და ძირითადი საკითხები. ოკუპირებულ ტერიტორიებზე ისევ ირღვევა ადამიანის უფლებები. ათიათასობით დევნილს არ აქვს შესაძლებლობა უსაფრთხოდ და ღირსეულად დაუბრუნდეს საკუთარ სახლებს" - განაცხადა მანჯგალაძემ.
როგორც მან განმარტა პერევს ქართული მხარე სრულად აკონტროლებს, სოფელში შევიდნენ სადამკვირვებლო ჯგუფებიც და მოსახლეობის უსაფრთხოებისთვის მოხდება სოფლის შემოწმება და საჭიროების შემთხვევაში გაბაღმვითი სამუშაობი ჩატარდება.
