აჭარს ა.რ 2020 წლის რესპუბლიკური ბიუჯეტის ცვლილებების პროექტი, აჭარის უმაღლეს საბჭოს, აჭარის ფინანსთა და ეკონომიკის მინისტრმა წარუდგინა. ჯაბა ფუტკარაძემ საბიუჯეტო პარამეტრებზე და სხვადასხვა ორგანიზაციის დაფინანსებაზე ისაუბრა.
„მსოფლიო პანდემიის ფონზე, პირველ ეტაპზე საგანგებო ბიუჯეტის დოკუმენტი მოვამზადეთ, ახალი კორონავირუსის გავრცელების ე.წ პოსტ ვირუსულ ეტაპზე, მთავარი ფინანსური დოკუმენტის განმეორებითი ადაპტირება მოხდა და რეგიონის წინაშე არსებული პრიორიტეტების შესწავლის შედეგად, ახალი საბიუჯეტო პროექტი მომზადდა. ეპიდემიის გავრცელებით გამოწვეული სირთულეების მიუხედავად, საბიუჯეტო რესურსების მაქსიმალურად ოპტიმალურად ათვისების ხარჯზე, შემიძლია ცალსახად აღვნიშნო, რომ აჭარაში ბიუჯეტით გათვალისწინებული ყველა მნიშვნელოვანი ინფრასტრუქტურული თუ სხვა ტიპის პროექტი უცვლელად განხორციელდება“- აჭარის ფინანსთა და ეკონომიკის მინისტრი ჯაბა ფუტკარაძე.
📈2020 წლის რესპუბლიკური ბიუჯეტის ასიგნებები 338 474 600 ლარით განისაზღვრა.
📝შემოსულობების საპროგნოზო მაჩვენებელი 306 974 600 ლარს შეადგენს.
📝შექმნილი ეპიდემიოლოგიური სიტუაციის გამო, საბიუჯეტო ორგანიზაციების მიერ 2020 წელს გათვალისწინებული ასიგნებების შემცირების ხარჯზე, იზრდება სხვადასხვა მნიშვნელოვანი პროგრამის დაფინანსება⤵
✅10 000 000 ლარით იზრდება აჭარის ტურიზმისა და კურორტების დეპარტამენტის დაფინანსება, რაც ვირუსის გავრცელების პრევენციის მიზნით, საკარანტინე ზონების ორგანიზებისთვის არის გათვალისწინებული.
✅1 087 700 ლარით იზრდება საავტომობილო გზების დეპარტამენტის დაფინანსება, რაც ახალი ხელოვნური ნაგებობების მოწყობისთვის დაიხარჯება.
✅1 487 400 ლარით იზრდება აჭარის განათლების კულტურისა და სპორტის სამინისტროს დაფინანსება, რაც „საჯარო სკოლების ინფრასტრუქტურის გაუმჯობესებაისთვის“ დაიხარჯება. უწყება 14 სკოლის რეაბილიტაციას და 13 საჯარო სკოლის საპროექტო-სახარჯთაღრიცხვო დოკუმენტაციის შესყიდვას და ტექნიკურ ზედამხედველობა/ექსპერტიზისას განახორციელებს.
✅1 528 000 ლარით იზრდება ჯამში აჭარის სოფლის მეურნეობის სამინისტროს დაფინანსება⤵:
575 000 ლარი მექანიზაციის ტექნიკური საშუალებებით ფერმერთა და აგრომეწარმეთა უზრუნველყოფის ხელშეწყობას მოხმარდება. უწყება 500 ბაღის მობილური შემასხურებელ აპარატს შეიძენს.
453 300 ლარი „სოფლად მეწარმეობის განვითარების ხელშეწყობის“ მიმართულებით დამატებით პროექტების თანადაფინანსებისთვის დაიხარჯება.
500 000 ლარი, „ციტრუსის მოსავლის რეალიზაციის ხელშეწყობის“ ფარგლებში, 2020-2021 წლების სეზონზე, არასტანდარტული ციტრუსის სუბსიდირებისთვის დაიხარჯება.
✅10 300 000 ლარით იზრდება ქალაქ ბათუმის მუნიციპალიტეტზე გადასაცემი კაპიტალური ფინანსური ტრანსფერი. თანხა სხვადასხვა კაპიტალური პროექტების განხორციელებისთვის დაიხარჯება.