ჩეჩნეთის პარლამენტში მომხდარი ტერაქტისა და თავდასხმის დროს გარდაცვლილია სამი ადამიანი და დაზარალებულია თხუთმეტი. ინფორმაციას ამის შესახებ რუსული მედია გროზნოს 9-ე საქალაქო საავადმყოფოს მედიკოსებზე დაყრდნობით ავრცელებს.
"ამ დროისათვის საავადმყოფოში შემოყვანილია 18 ადამიანი, მათ შორის სამი გარდაცვლილი და 15 დაჭრილი. დაჭრილების შEმოყვანა ამჟამადაც გრძელდება", _ აცხადებენ გროზნოს 9-ე საქალაქო საავადმყოფოს მიმღებ განყოფილებაში.
ამას გარდა, ჩეჩნეთის შს სამინისტროს პრესსამსახურის ინფორმაციით, სპეცოპერაციის მსვლელობისას ერთი ბოევიკი მოკლულია ორმა კი თავი აიფეთქა.
მათივე ინფორმაციით, სპეცოპერაციის მსვლელობისას დაზარალებულია ოთხი სამართალდამცავი.
შეგახსენებთ, რომ ჩეჩნეთის პარლამენტის ტერიტორიაზე დღეს ტერორისტ-თვითმკვლელების თავდასხმა მოხდა. დილით როდესაც დეპუტატები თავიანთი ავტომობილებით პარლამენტის შენობის ეზოში შედიოდნენ, მათთან ერთად ტერორისტების სავსე ავტომობილიც შევიდა. ერთ-ერთმა მათგანმა თავი აიფეთქა, ორმა ტერორისტმა პარლამენტის შენობამდე მიღწევა შეძლო. ა
ვტომატური ცეცხლსასროლი იარაღიდან სროლა პარლამენტის ტერიტორიაზე რამდენიმე წუთი მიმდინარეობდა. პარლამენტის შენობიდან მთელი სამოქალაქო პერსონალის ევაკუაცია მოხდა.
მებრძოლების განადგურების ოპერაციას ჩეჩნეთის მეთაური რამზან კადიროვი ხელმძღვანელობდა.
