საქართველოში წარმოებული McDonald`s - ის პროდუქცია ადამიანის ჯანმრთელობისათვის საშიში არ არის, _ ამის შესახებ სააგენტო "ჯი-ეიჩ-ენთან" საუბრისას "McDonald`s საქართველოს" დამფუძნებელმა თემურ ჭყონიამ რამოდენიმე დღის უკან განაცხადა და კატეგორიულად უარყო, რომ McDonald`s -ის ქსელში ადამიანის ჯანმრთელობისთვის საშიში პროდუქცია იყიდება
"ჯი-ეიჩ-ენისთვის" მიცემულ კომენტარში თემურ ჭყონია არ დაეთანხმა ბრიტანული გამოცემა The Daily Mail -ში გამოქვეყნებულ ინფორმაციას იმის შესახებ, რომ McDonald`s -ის პროდუქცია ექვსი თვის განმავლობაში არ იხრწნება.
ჭყონიას განმარტებით, McDonald`s რესტორნები საქართველოში სპეცალიზირებული ხორცით მარაგდებიან, რომელზედაც " McDonald`s " სათაო ოფისის ნებართვა არსებობს.
McDonald`s  პროდუქცია სპეციალიზირებული ხორცისგან მზადდება, რომელზედაც საგანგებო ნებართვა არსებობს. ჩვენ არ შეგვიძლია წავიდეთ და სხვა წერტილიდან შევიძინოთ პროდუქცია. წარმოებაში მხოლოდ სერთიფიცირებულ და სათაო ოფისიდან ნებადართულ ხორცის დენლეულს ვიყენებთ, რომელიც საგულდაგლოდაა შემოწმებული. McDonald`s ფონიჭალაში თანამედროვე სტანდარტული მაცივარი აქვს, სადაც შემოტანილი ხორცი საგანგებო რეჟიმში ინახება", - განუცხადა "ჯი-ეიჩ-ენს" თემურ ჭყონიამ.
ბიზნესმენის ინფორმაციით, McDonald`s რესტორნები ძირითადად იტალიიდან შემოტანილი ხორცით მარაგდება.
"რაც შეეხება ფუნთუშებს ნაწილი უკრაინიდან შემოგვაქვს, ხოლო ნაწილს საქართველოში ვამზედებთ თუმცა ეს ფუნთუშებიც განსხვავებული ტექნოლოგიით და სპეციალიზირებული ფქვილისაგანაა დამზადებული"- აცხადებს ჭყონია.
შეგახსენებთ, რომ დღეს გავლენიანმა გამოცემამ The Daily Mail გამოაქვეყნა მასალა (You want flies with that? McDonald`s Happy Meal shows no sign of decomposing after SIX MONTHS ), რომელშიც აღნიშნულია, რომ MცDონალდ`ს-ის პროდუქცია, კერძოდ Happy Meal-ის საბავშვო სადილი 6 თვის განმავლობაში არ გაიხრწნა.
სტატიაში წარმოდგენილია ფოტო მასალა, რომელიც აპრილში ნაყიდი McDonald`s -ის პროდუქციისთვის 6 თვის განმავლობაში არის გადაღებული.