ბიოლოგიურ მეცნიერებათა ასოციაცია "ელკანამ" სოფლის ტურიზმის პროგრამისა და ტრადიციული პროდუქტის, მათ შორის, ადგილობრივი პურისა და ხორბლის პოპულარიზაციის მიზნით, ახალციხეში ფესტივალი გამართა.
ფესტივალზე წარმოდგენილი იყო, სასტუმრო სახლებისა და აგროტურისტული მეურნეობების ქსელი, აგრეთვე, ადგილობრივი ტრადიციული პროდუქტი. 2009 წლიდან ასოციაცია "ელკანამ" ეკო-პრემიების პროგრამის ფარგლებში, ქართული უძველესი ხორბლის ჯიშების აღდგენაზე, როგორიცაა დიკა და ახალციხური წითელი დოლი, მუშაობა გააგრძელა. პროგრამა ინიცირებული და დაფინანსებულია BP-ისა და მისი პარტნიორების BTC-ისა და SCP-ის მიერ და ადმინისტრირებას ევრაზიის თანამშრომლობის ფონდი უწევს.
პროექტის ფარგლებში, სამცხე-ჯავახეთის რეგიონში მცხოვრებ ფერმერებს, ახალციხური წითელი დოლის ხორბლის თესლი დაურიგდათ. წელს მიღებული მოსავალი კი, საშუალებას იძლევა, მომხმარებელს რეგულარულად ახალციხური წითელი დოლისპური მიეწოდოს. ფესტივალზე წითელი დოლისპურის მწარმოებელი წარმატებული ფერმერები სპეციალური პრიზებით დააჯილდოვეს. ფესტივალს სოფლის მეურნეობის მინისტრი ბაკურ კვეზერელი ეწრებოდა.
