პარტია "თავისუფალი დემოკრატების" ლიდერის ირაკლი ალასანიას განცხადებით, ბიუჯეტის წარმოდგენილი პროექტით სააკაშვილის მთავრობამ საკუთარ მოქალაქეებზე პასუხისმგებლობა პრატქიკულად მოხსნა.
როგორც მან პარტიის ოფისში გამართულ ბრიფინგზე განაცხადა, მთავრობა ვეღარ აკონტროლებს ინფლაციურ პროცესებს, კატასტროფულად გაიზარდა ფასები სასურსათო პრდუქტებზე და სასიცოცხლოდ აუცილებელ მედიკამენტებზე.
"2011 წლის ბიუჯეტი არ ითვალისწინებს დაზღეულთა რაოდენობის ზრდას. სახელმწიფო უარს ამბობს 5-დან 60 წლამდე მოსახლეობის გარანტირებულ სამედიცინო მომსახურებაზე. კვლავ არ დაფინანსდება ამ კონტიგენტისათვის გადაუდებელი სამედიცინო დახმარება. ინფექციურ, ონკოლოგიურ და გულის დაავადებათა მკურნალობა. შემცირდა განათლების ისეთი მნიშვნელოვანი პროექტების დაფინანსება როგორიცაა "ქართული ენის პროგრამა" განსაკუთრებით ნიჭიერი ბავშვებისა და ახალგაზრდების მხარდაჭერის პროგრამა. გაუქმდა საზღვარგარეთ ქართული სკოლების დახმარების ასევე კვალიფიციური ქართული ენის სპეციალისტები ეთნიკური უმცირესობით დასახელბული რეგიონების სკოლებში პროგრამა. ეს ყველაფერი იმის მანიშნებელია რომ მთავრობა საკუთარ მოქალაქეებზე პასუხისმგებლობას იხსნის", - განაცხადა ალსანიამ.
მისი განმარტებით, 2011 წლის სახელმწიფო ბიუჯეტის პროექტი გასულ წელთან შედარებით 31 მილიონი ლარით მცირდება, თუმცა ბიუჯეტის შემოსავლების ნაწილი 6 მილიარდ 960 მილიონი ლარი იმდენად ხელოვნურად არის გაზრდილი, რომ მოსალოდნელია მისი სეკვესტრი. მანვე ხელისუფლების წარმომადგენლები დებატებში მიიწვია რათა საზოგადოებამ თავად ნახოს თუ როგორ ზრუნავს საქართველოს ხელისუფლება საკუთარ ხალხზე.
