პერევის ფაქტი ვერ უზრუნველყოფს ჩვენი ქვეყნის უსაფრთხოებას. ამის შესახებ პარტია "თავისუფალი დემოკრატების" ლიდერმა ირაკლი ალასანიამ პარტიის ოფისში გამართულ ბრიფინგზე განაცხადა.
"პერევში რუსი ოკუპანტების მიერ გაუქმებული საგუშაგოს ფაქტი ძალიან კარგია. თუმცა ეს კონკრეტული ნაბიჯი ვერ უზრუნველყოფს ჩვენი ქვეყნის უსაფრთხოებას. ეს არის ნაბიჯი, რომელიც ჟენევის მოლაპარაკებებში რუსეთის ხელისუფლებას გაამართლებდა", - განაცხადა ალასანიამ.
მისი თქმით, საჭიროა გაჩნდეს დამატებითი სადამკვირვებლო ჯგუფები, როგორიცაა ეუთოს და ევროკავშირის ჯგუფები, ჩვენი ქვეყნის უსაფრთხოებისა და დეოკუპაციის მიზნით. მანვე განმარტა, რომ ათასობით დევნილი მაინც გარეთაა და ჩვენი ტერიტორიები კი ოკუპირებულია.
