მოსკოვში, საკუთარ ავტომობილში ნაპოვნი გარდაცვლილი სერგეი კლიუკი ნამდვილად იყო "გაზპრომის" თანამშრომელი, თუმცა კომპანიის მართვაში არ იყო ჩართული. ამის შესახებ "გაზპრომმა" ოფიციალური განაცხადება გაავრცელა.
"სერგეი კლიუკი ნამდვილად იპოვეს გარდაცვლილი. სიკვდილის მიზეზებს სამართალდამცველი ორგანოები დაადგენენ. მას "გაზპრომში" საფინანსო-ეკონომიკური დეპარტამენტის თავმჯდომარის მოადგილის თანამდებობა ეკავა, მაგრამ ტოპ-მენეჯერი არ ყოფილა", - ნათქვამია განცხადებაში.
შეგახსენებთ, რომ "გაზპრომის" საფინანსო-ეკონომიკური დეპარტამენტის თავმჯდომარის მოადგილემ, სერგეი კლიუკმა სიცოცხლე თვითმკვლელობით დაასრულა. ამის შესახებ რუსული სააგენტოები სამართალდამცველებზე დაყრდნობით იუწყებიან.
რუსული მედიის ცნობით, გარდაცვლილს კომპანიაში ტოპ-მენეჯერის თანამდებობაც ეკავა.
კლიუკი სახლიდან შაბათს დილით გავიდა და აღარ დაბრუნდა. იგი არც სატელეფონო ზარებს არ პასუხობდა, რის გამოც მისმა მეუღლემ მილიციაში ტოპ-მენეჯერის გაუჩინარების შესახებ განაცხადა. "გაზპრომის" მენეჯერის ცხედარი სამართალდამცვლებმა 02:30 საათზე ელინსკის ქუჩაზე, მიწისქვეშა ავტოფარეხში მისივე "ლენჯ როვერის" მარკის ავტომანქანაში იპოვეს. გარდაცვლილს გვერდით პისტოლეტი ედო, რომელიც არსებული ინფორმაციით მას ყაზახეთის პრემიერ-მინისტრმა აჩუქა. თვითმკვლელობის მიზეზი ამ დროისთვის უცნობია.
