სოხუმში რუსული კომპანია "როსნეფტის" სამი ბენზინგასამართი სადგური გაიხსნა. ინფორმაციას ამის შესახებ აფხაზური მხარე ავრცელებს. მათი ინფორმაციით, ბენზინგასამართი სადგურების გახსნას აფხაზ სეპარატისტთა ლიდერი სერგეი ბაღაფში, რუსეთის პრეზიდენტის ადმინისტრაციის ხელმძღვანელი სერგეი ნარიშკინი და კომპანია "როსნეფტის" ხელმძღვანელი ედუარდ ხუდაინახოვი ესწრებოდნენ.
მათივე ინფორმაციით, აფხაზეთში ასევე მოქმედებს კომპანია "როსნეფტის" ბარათები.
აფხაზ სეპარატისტთა ლიდერმა სერგეი ბაღაფშმა კომპანია "როსნეფტს" მადლობა გადაუხადა და განაცხადა, რომ მაისში, როდესაც მშენებლობა დაიწყო მას არ ეგონა, რომ ოქტომბერში სადგურები ფუნქციონირებას დაიწყებდა.
