სეპარატისტული აფხაზეთის დედაქალაქში "რუსული წიგნის სახლი" გაიხსნა. ინფორმაციას ამის შესახებ რუსული მედია ავრცელებს. მათი ინფორმაციით, "რუსული წიგნის სახლის" გახსნა სოხუმში, სეპარატისტული აფხაზეთში მიმდინარე აფხაზეთის ე.წ. მეორე საქმიანი ფორუმის ფარგლებში მოხდა.
"რუსული წიგნის სახლის" გახსნას სოხუმში აფხაზ სეპარატისტთა ლიდერი სერგეი ბაღაფში და რუსეთის პრეზიდენტის ადმინისტრაციის ხელმძღვანელი სერგეი ნარიშკინი დაესწრნენ.
შეგახსენებთ, რომ სოხუმში აფხაზეთის ე.წ. საქმიანი ფორუმი მიმდინარეობს, რომელსაც რუსეთის მთავრობის რამდენიმე მინისტრი, რუსეთის რაიონების გუბერნატორები, რუსული ბიზნეს-წრეების წარმომადგენლები და რუსეთის პრეზიდენტის ადმინისტრაციის ხელმძღვანელი ესწრებიან.
