რუსული კომპანიები დაინტერესებულნი არიან აფხაზეთთან საქმიანი და სავაჭრო ურთიერთობების განვითარებაში. ასევე არის დაინტერესება სხვა და სხვა პროექტების რეალიზების საქმეში. ეს განცხადება დღეს სოხუმში გამართულ აფხაზურ-რუსულ მოლაპარაკებებზე რუსეთის პრეზიდენტის ადმინისტრაციის ხელმძღვანელმა სერგეი ნარიშკინმა გააკეთა. ნარიშკინი სეპარატისტულ აფხაზეთში მიმდინარე ე.წ. მეორე საქმიან ფორუმში მონაწილეობს.
"აღნიშნული ფორუმის ორგანიზება არის დასტური იმისა, რომ ჩვენი ქვეყნები, დაწესებულები და კომპანიები დაინტერესებულნი არიან ურთიერთობების განვითარებაში, ვაჭრობის განვითარებაში და ასევე დიდი და მცირე პროექტების რეალიზებაში აფხაზეთის ტერიტორიაზე", _ განაცხადა ნარიშკინმა.
მისივე თქმით, რუსეთის მხრიდან ფორუმში მონაწილეობის მისაღებად ჩავიდნენ გუბერნატორები, სადეპუტატო კორპუსის წარმომადგენლები და "რა თქმა უნდა რუსული ბიზნესი დიდ და ავტორიტეტულ შემადგენლობაში".
"ეს კიდევ ერთხელ ადასტურებს იმ დიდი ინტერესს, რომელიც რუსეთს აფხაზეთის მიმართ აქვს. ეს ასევე რა თქმა უნდა ადასტურებს კეთილმეზობლობის იმ ატმოსფეროს, რომელიც ჩვენს ხალხებს შორის ყოველთვის არსებობდა კარგ დროსაც და ძნელბედობის ჟამსაც. რუსეთი ყოველთვის მხარს აშველებდა აფხაზ მეგობრებს და ასე იქნება მუდამ", _ აცხადებს ნარიშკინი.
