სამართლიანი აქცია მოქალაქეებმა დაიწყეს გავრილოვის ამ სავარძელში ჯდომის დროს, სადღაც 9 საათზე, - თქვა საქართველოს პრემიერ-მინისტრმა, გიორგი გახარიამ 2019 წლის 20 ივნისის ღამესთან დაკავშირებით და აღნიშნა, რომ მაშინ პარლამენტში შეჭრა იგეგმებოდა.
როგორც გიორგი გახარიამ აღნიშნა, აქციის მონაწილეები პოლიციელებს იტაცებდნენ, ჩაფხუტებს ართმევდნენ და წიხლებს უტყამდნენ.
"მე მაშინ შენობაში ვიყავი. სად არის სამადაშვილი, იქ შემხვდა მემუქრებოდა, ახლა გაიქეცი აქედანო, თორემ ის ხალხი გარეთ რომ არის, შემოვარდება და გაგაგდებენ აქედანო. სიტყვა სიტყვით ამის ჩანაწერები არსებობს, მე კი არ ვიგონებ ამას", - თქვა გახარიამ და აღნიშნა, რომ ის მაშინ პარლამენტში იმიტომ მივიდა, რომ დეპუტატები დაეცვა, გარედან ხალხი რომ არ შემოვარდნილიყო, რომლებიც თავს ესხმოდნენ პოლიციას.
"დავით ბაქრაძემ სურათი რომ გადაიღო ერთ-ერთი მებრძოლი რომ გამოყავს დიდი ზრუნვით, ის სურათი რატომ არ დადო ფეისბუქგვერდზე ჩაფხუტებს რომ ართმევენ და წიხლებით რომ არიან შემდგარი. ეს სურათი რატომ არ დადეთ. ისიც უნდა დაედო. რა მაგარი ხარ? 0 მაგარი კი არა კურდღლები ხართ, რატო იცი, ამისთვის რომ ემზადებოდით. დავუბრუნდები აკადემიურ სტილს. ამ შეხვედრისთვის რომ ემზადებოდით და იქ რაღაც ჯგუფური ბრეინშტორმინგები რომ მოაწყვეთ და იქიდან რომ ემზადებოდით", - უთხრა ოპოზიციას გიორგი გახარიამ.
