"შევეჩვიეთ, რომ სასტუმროები ძველ თბილისში ან რუსთაველის გამზირთან ახლოს შენდება, ამიტომ აქ, საბურთალოზე სასტუმროს გახსნა მნიშვნელოვანია, - განაცხადა თბილისის მერმა გიგი უგულავამ საქართველოს პრეზიდენტთან ერთად სასტუმრო "Holiday Inn"-ის მშენებლობის პროცესის მონახულებისას.
"აქ იყო სასტუმრო აჭარა და ახლა შემოდის "Holiday Inn"-ის ქსელი, რომელიც სამ-ოთხ ვარსკვლავს მოიცავს, ანუ ეს არის ბევრად უფრო ხელმისაწვდომი სასტუმრო", _ განაცხადა უგულავამ და დასძინა, რომ რაც მთავარია, ეს ხელს უწყობს ქალაქის ამ ნაწილის განვითარებას.
"მთავარი კი ისაა, რომ იქმნება დამატებითი სამუშაო ადგილები", _ განაცხადა მან.