ვენესუელის პრეზიდენტი უგო ჩავესი უახლოეს მომავალში სეპარატისტულ აფხაზეთში ჩასვლას გეგმავს. ეს განცხადება მოსკოვში მყოფმა ვენესუელის პრეზიდენტმა რუსეთში აფხაზეთის ე.წ. ელჩთან საუბარში დღეს თავად გააკეთა.
აფხაზეთის ე.წ. ელჩი რუსეთში იგორ ახბა და ვენესუელის პრეზიდენტი უგო ჩავესი ერთმანეთს მოსკოვში შეხვდნენ, ლათინური ამერიკის დამოუკიდებლობისათვის მებრძოლი სიმონ ბოლივარის ძეგლის დადგმის ადგილზე მემორიალური ქვის გახსნაზე.
"გახსნის ცერემონიალზე რუსეთში აფხაზეთის ელჩს იგორ ახბასა და ვენესუელის პრეზიდენტის უგო ჩავესის ხანმოკლე შეხვედრა გაიმართა. საუბრის დროს ჩავესმა დაადასტურა, რომ უახლოეს მომავალში აფხაზეთის მონახულებას გეგმავს", _ იუწყება აფხაზური მედია.
მასალის გამოყენების პირობები
