საქართველოს ბიზნესმენთა ასოციაციის წევრები საქართველოს რეგიონული განვითარებისა და ინფრასტრუქტურის მინისტრ რამაზ ნიკოლაიშვილს შეხვდნენ.
შეხვედრაზე, მინისტრმა და ქართველმა ბიზნესმენებმა საქართველოს რეგიონული განვითარებისა და ინფრასტრუქტურის სამინისტროსა და საქართველოს ბიზნეს ასოციაციას შორის თანამშრომლობის პერსპექტივებზე ისაუბრეს და კერძო სექტორსა და სახელმწიფო უწყებებს შორის სამომავლო ურთიერთობების გეგმები განიხილეს.
"ჩვენი სამინისტრო სხვადასხვა პროექტებს ახორციელებს. ამისთვის კი ბიზნესმენებთან კარგი ურთიერთობაა საჭირო. განსაკუთრებით აუცილებელი პროექტებია რკინიგზის გადატანა, გზების გაკეთება და ა.შ. რუსთავი-თბილისის სარკინიგზო მაგისტრალის შეკეთებას მომავალ წელლს დავიწყებთ. მესტიაში კი აეროპორტის მშენებლობის დასრულებას ნოემბერში ველოდებით. ამ და სხვა პროექტების განსახორციელებლად საჭიროა ბიზნესმენების გვერდში დგომა" - განაცხადა ნიკოლაიშვილმა.
შეხვედრაზე იმყოფებოდა ბიზნესმენთა ასოციაციის პრეზიდენტი გიორგი ჭირაქაძე, რომელმაც განაცხადა, რომ ბიზნესისა და ამ სამინისტროს თანამშრომლობა აუცილებელია.
შეხვედრაზე განიხილეს სხვადასხვა პროექტი. როგორც მათ აღნიშნეს, სხვადასხვა პროექტების განხორციელება იგეგმება, რომელშიც ადგილობრივი მოსახლეობის დასაქმებაზე იზრუნებენ, ხოლო შემდეგ უცხოერი ინვისტიეციების საქართველოში მოზიდვაზე.