ნავთობის ექსპორტიორი ქვეყნების ორგანიზაციის - ოპეკის თავმჯდომარე 2011 წლიდან ირანის ნავთობმრეწველობის მინისტრი საიდ მაქსუდა მირკიაზიმი იქნება. ირანის წარმომადგენელი ბოლო 36 წლის განმავლობაში პირველად გახდა ორგანიზაციის თავმჯდომარე.
"2011 წლისთვის ოპეკის თავმჯდომარედ არჩევა ორგანიზაციის 157-ე სესიაზე გადაწყდა" - განაცხადა ირანის წარმომადგენელმა ორგანიზაციაში მაჰმუდ ალი ჰატაბმა.
ოპეკი ნავთობის ექსპორტიორ უმსხვილეს 12 ქვეყანას - ალჟირს, ანგოლას, ვენესუელას, ერაყს, ირანს, ყატარს, ქუვეითს, ლივიას, ნიგერიას, არაბთა გაერთიანებულ ემირატებს, საუდის არაბეთსა და ეკვატორს აერთიანებს.
ეს ქვეყნები ნავთობზე მსოფლიოს ბაზრის 35 პროცენტ მოთხოვნას აკმაყოფილებენ.