დააკავეს ვიქტორ ბაბარიკო, ბელგაზპრომბანკის ყოფილი ხელმძღვანელი, რომელიც ბელარუსის პრეზიდენტობისკენ ისწრაფვის.
ბელარუსის სახელმწიფო კონტროლის კომიტეტის ინფორმაციით, ბაბარიკო დააკავეს იმის გამო, რომ "იგი უშუალოდ იყო უკანონო მოქმედებების ორგანიზატორი, ცდილობდა მოწმეებზე ზეგავლენის მოხდენას და დანაშაულის კვალის დაფარვას".
უცნობია თუ კონკრეტულად რა უკანონო მოქმედებებზეა საუბარი.
ბელარუსში ბელგაზპრომბანკის ყოფილი და მოქმედი თანამშრომლების წინააღმდეგ სისხლის სამართლის საქმე 11 ივნისს აღიძრა. ბაბარიკო მიიჩნევს, რომ საქმე პოლიტიკურად არის მოტივირებული.
ბაბარიკო ბელგაზპრობანკს 2000 წლიდან 2020 წლის მაისის ჩათვლით ხელმძღვანელობდა, ვიდრე განაცხადებდა, რომ ბელარუსის პრეზიდენტობისთვის აპირებდა ბრძოლას.
ვიქტორ ბაბარიკო პრეზიდენტობის კანდიდატად ოფიციალურად არ დარეგისტრირებულა. იგი სწორედ ამ მიზნით ხელმოწერების შესაგროვებლად იმყოფებოდა ვაჟთან ერთად, რა დროსაც დააკავეს.
საპრეზიდენტო არჩევნები ბელარუსში 9 აგვისტოს არის დაგეგმილი.