ბაქო-თბილისი-ყარსის რკინიგზის საქართველოს მონაკვეთის მშენებლობის ტემპებით აზერბაიჯანული მხარე კმაყოფილია.
როგორც აზერბაიჯანის ტრანსპორტის მინისტრმა მუსა პანახოვმა განაცხადა, არსებული ტემპები აბსულუტურად დაკმაყოფილებელია და იგი იმედოვნებს, რომ სამუშაოს ძირითადი მოცულობა მომავალი წლისთვის დასრულდება.
მისივე განცხადებით, მომავალი წლიდან საქართველოს მონაკვეთის მშენებლობის დაფინანსება მნიშვნელოვნად გაიზრდება.
"სამუშაო პროცესმა გვაჩვენა რომ მარაბდა ახალქალაქის მონაკვეთი არ შეესაბამება ტვირთების დიდი მოცულობის გადაზიდვის მოთხოვნებს, შესაბამისად უნდა ჩატარდეს მისი კაპიტალური რეაბილიტაცია" - განაცხადა პანახოვმა.
სამუშაოები 168 კილომეტრზე ჩატარდება. პანახოვის განცხადებით შესაბამისი გაანგარიშებები წარდგენილია აზერბაიჯანისა და საქართველოს მთავრობებისათვის, რათა მიღებულ იქნას გადაწყვეტილება დაფინანსების მოცულობის გასაზრდელად.